Heltzear dira inauteriak, eta Aizarnazabalen ere prest dute aurtengo egitaraua. Ostiralean, hilaren 9an, ospatuko dituzte inauteriak herrian, haur zein helduentzako askotariko ekintzekin: hala nola photocall-a, haurrentzat askaria eta kalejira izango dituzte egunean zehar.
Hain zuzen, Alaitsu musika eta dantza eskolak askaria antolatu du arratsaldean haurrentzat, eta ondoren, kalejira egingo dute guztiek elkarrekin herrian zehar. Jarraian, emanaldia eskainiko dute. Gaztetxeak, aldiz, mozorroak luzitzeko argazkien txokoa prestatuko du. Horrez gainera, poteoa eta gaua girotzeko DJa ere antolatu dituzte.
Honakoa da ostiralerako prestatutako egitaraua:
- 16:30. Haurrentzat askaria Alaitsu musika eta dantza eskolak antolatuta.
- 17:30. Kalejira herrian zehar Alaitsu musika eta dantza eskolakoekin.
- Jarraian, Alaitsu musika eta dantza eskolakoen emanaldia.
- 19:00. Poteoa eta photocall-a gaztetxean.
- 23:00. DJ Fury.