Aizarnazabalgo Udalak auzoz auzoko bilerak deitu ditu datorren asterako. Bost bilera izango dira guztira, guztiak arratsaldez, eta hiru egunetan egingo dituzte.
Astelehenean, irailaren 11n, egingo dituzte lehen bi bilerak, 18:00etan Zubialdeko parkean eta 19:00etan Etxabeko zubian. Astearterako, hilaren 12rako, beste bi bilera deitu ditu erakundeak: 18:00etan Saiazko plazan elkartuko dira herritarrekin, eta 19:00etan Sallubiko bidegurutzean (Menditxiki). Bosgarren eta azken bilera herrigunekoa izango da; ostegunean, irailaren 14an, egingo dute hori herriko plazan, 18:00etan.