Atzo, ostirala, arratsaldean ospatu zituzten inauteriak Aizarnazabalen. Herriko eskolako ikasleek txokolate jana egin zuten arratsaldean. Ondoren, haur zein heldu mozorrotuta atera ziren kalera, eta musika eskolako trikitilariek herritarrekin batera kalejira egin zuten. Segidan, Alaitsu dantza taldekoen txanda izan zen, eta plazan bildutako herritarren aurrean hainbat dantza eskaini zituzten.