Bigarrenez jostailuak trukatzeko azoka egingo dute Aian. Gabonak gerturatzen ari dira, eta etxean erabiltzen ez direnak beste batzuengatik aldatzeko momentu aproposa izan daiteke. Larunbatean egingo dute azoka Gaztelekuan, arratsaldez, 17:00etatik 19:00etara.
Parte hartzeko, etxeko jostailuak bezperan, ostiralean, eraman beharko dira Gaztelekura bertara, ordu tarte berean, hau da, 17:00etatik 19:00etara. Jostailuek egoera onean egon beharko dute, eta garbi.
Emandako jostailu bakoitzeko tiket bat eskuratuko dute herritarrek, eta tiket horrekin, azokan beste jostailu bat hartzea izango dute. Hori bai, azoka egunean umerik ezingo da bertaratu azokara, antolatzaileek nabarmendu dutenez.