Aiako Iturraran parketxeak asteburu honetarako ere antolatu ditu herritarrentzat jarduerak. Batetik, familiei zuzendutako orientazio jokoa egiteko aukera egongo da. Udazkeneko altxorrak: orientazio jolasa familian izenburupean, larunbatean eta igandean eskainiko dute ekintza hori. Igandean beste hitzordu bat ere egongo da, Agorregiko burdinola eta errota bisitatzeko aukera egongo baita. 11:15ean euskaraz egiten dituzte bisitak, eta 12:00etan, berriz, gaztelaniaz.
Batean zein bestean parte hartzeko, 943-83 53 89 telefono zenbakira deitu behar da tokia hartzeko, edo iturraran@gipuzkoanatura.eus helbidera mezua bidali.