Gainerako herrietan bezalaxe, Aian ere aterpean ospatu behar izan zituzten inauteriak. Atzo arratsalderako hainbat ekintza zituzten prestatuta bertan, haur, gazte zein helduek jaiaz gozatzeko, eta hala egin zuten: jolasek eta kuadrillen emanaldiek festa giro aparta sortu zuten herritarren artean.
Olinpiar Jokoak izan ziren protagonistak, eta horri lotuta, mozorro ikusgarriak prestatu zituzten aiarrek; hala nola eskiatzailez, patinatzailez eta Gurutzeko Gorriko langilez mozorrotu ziren. Hitzordu guztia, noski, musikak lagunduta egon zen; izan ere, poteo musikatua egin zuten DJ Trikitrack-en eskutik.
(Argazkiak: Arnaitz Rubio Aprea)