Aian ekinta ugari egiten da Gabonei lotuta, eta aurten, Gabonetako postala ere sortuko dute. Horretarako, herriko ume eta gaztetxoen laguntza eskatu dute; izan ere, horiek egindako marrazkietako bat erabiliko dute postala ilustratzeko.
Marrazkiak ostirala baino lehen eraman behar dira Kultur Etxera, eta ondoren, zozketa eginez aukeratuko dute zer marrazki erabiliko duten postaleko iruditzat.
Gainera, jasotako marrazki guztiekin erakusketa jarriko dute Kultur Etxeko lehenengo solairuan, abenduaren 13tik aurrera.