Larunbat honetan Gazte Egunak giroa bero-bero utzi, eta datorren astean, asteartetik aurrera, festa lehertuko da Aian. Egitarau oparoa prestatu dute adin guztietako herritarrentzat, eta amaiera borobila emango diete festei, puntako musikarien emanaldiak iragarri baitituzte: Anje Duhalde eta Tapia eta Leturia Band.
Bestalde, gaur bertan, Aiako Pala Txapelketako finalak jokatuko dituzte, 16:00etatik aurrera. Herriko Eskuzko Pilota Txapelketaren finalak datorren astean, abuztuaren 7an, asteazkenarekin, izango dira.
Gaur, uztailak 31:
- 16:00. Aiako Pala Txapelketako finalak.
Abuztuak 6, asteartea:
- 19:00. Jaien hasierako txupinazoa. Jarraian, kalejira buruhandiekin.
- 21:30. Herri afaria, Izer eta Alabier trikitilariek girotuta.
Abuztuak 7, asteazkena, San Donato eguna:
- 07:00. Diana, herriko kaleetan zehar.
- 07:30. Gaupaseroen argazkia.
- 09:30. Aiako bolo txapelketa federatuentzat eta herritarrentzat. Izen-ematea egunean bertan, 09:30-11:30 bitartean.
- 11:00. Meza nagusia.
- Ondoren. Herriko Eskuzko Pilota Txapelketaren finalak.
- 13:00. Lady Carrot taldearen kontzertua plazan, bermut berezien dastaketarekin.
- 16:00. Mus txapelketa, eskola berrian.
- 18:00. Tonbola solidarioa.
- 19:30. Kalejira buruhandi eta trikitilariekin.
- 22:30. Bertso jaialdia: Maialen Lujanbio, Andoni Egaña, Nerea Ibarzabal, Amets Arzallus, Jesus Mari Irazu eta Aner Peritz. Gai jartzailea: Iñaki Gurrutxaga.
- 00:00. Kontzertua: Itzal erromeria.
Abuztuak 8, osteguna, Umeen Eguna:
- 09:30. Diana herriko kaleetan zehar, sorpresarekin.
- 10:30. Haur jolasak HH2tik LH2ra artekoentzat. Plazan.
- 12:00. Haur jolasak LH3tik LH6ra artekoentzat. Plazan.
- 14:00. Familien bazkaria.
- 16:30. Jolasak eta tailer bereziak Ponpotx kultur elkartearen eskutik.
- Ondoren. Kalejira buruhandiekin, herriko kaleetan zehar.
- 20:30. Arimacool disko festa.
- 22:30. Disko festaren jarraipena.
- 01:00. DJ Indate.
Abuztuak 9, ostirala:
- 11:00. Sardin jana, toka txapelketa irekia eta umeentzat zapo-toka.
- 16:00-19:00. Gaztelu puzgarriak.
- 19:00. Kalejira buruhandi eta trikitilariekin, herriko kaleetan zehar.
- Ondoren. Andoni Ollokiegi, eta pintxopotea Euskal Parrillarekin. Plazan.
- 23:45. Karroza.
- Ondoren. DJ-ak.
Abuztuak 10, larunbata, San Lorentzo eguna:
- 07:00. Diana kaleetan zehar.
- 07:30. Gaupaseroen argazkia.
- 11:00. Meza nagusia.
- 12:00. Pilota partidak. Lehen partidan, emakumezkoak: Larrarte-Erasun vs. Arrillaga-Mendizabal. Bigarren partidan, gizonezkoak: Victor-Albeniz vs. Orbegozo-Oliden.
- Ondoren. Herriko edadetuen bazkaria.
- 17:30. Herri kirol jaialdia: Gipuzkoako Binakako Aizkolari Txapelketa eta IV. 4 Arroa harri jasotzeko finala.
- Ondoren. Kalejira trikitilariekin eta buruhandiekin, herriko kaleetan zehar.
- 20:30. Anje Duhalderen kontzertua.
- 23:30. Tapia eta Leturia Band eta Kilimak.
- 01:00. Festen bukaerako traka zaratasua.