Ez ahazteko gogoratuz izenburupean, zenbait saio izan dira azken hilabeteotan Zumaiako Emakumeon Etxean. Idoia Telleria Maritxalar aritu da lanketa dinamizatzen, herriko historia ezagutzea helburu, betiere, emakumeei ikusgarritasuna eta ahotsa emanez. Irudiak eta argazkiak izan ziren tailerraren oinarria.
Orain, saio horiek utzitakoarekin erakusketa osatu asmoz, beste hitzordu bat jarri dute. Bihar izango da, Emakumeon Etxean bertan, 17:00etan.