Portugaleteko (Bizkaia) San Nikolas Arraun Taldeak antolatuta, bihar jokatuko da Portugaleteko XIV. Traineru Jaitsiera Bizkaiko herrian. 62 ontzik parte hartuko dute hainbat kategoriatan, eta bertan izango dira eskualdeko ontziak ere.
Getariak ontzi bat uretaratuko du, gizon seniorrera, hain justu; Oriori dagokionez, emakumezkoen nahiz gizonezkoen traineruak aurkeztuko dira, baita beteranoen bi ontziak ere; Zarauzko traineruak ere bertan izango dira, emakume nahiz gizon seniorrenak, zehazki; eta azkenik, Zumaiak beteranoen eta emakumeen traineruak uretaratuko ditu.
20 ontzi lehiatuko dira beteranoetan, hamabi emakumezkoetan, 28 gizonezkoetan, eta bi, gazteetan.
Hala, eguerdiko 12:00etan hasiko dira estropadak. Senior emakumeek, beteranoek eta gazteek 4.000 metroko distantzia egingo dute, eta senior gizonek, 5.500 metrokoa.