Bihar izango da Aita Marin Zumaiako arte eszenikoen eskaintzako urteko lehen proposamena. Haurrentzako ikuskizun bat izango da: Ekain pailazoaren Arlote bat ikuskizuna, hain zuzen ere. Bi emanaldi eskainiko ditu, 12:00etan lehena eta 16:30ean bigarrena. Bietarako sarrera gutxi batzuk geratzen dira sarrerakzumaia.eus webgunean.
Sinopsia
Arlote bat umorez eta hausnarketaz beteriko lana da. Ekainek herriko arauak desafiatzen dituen arlote baten papera egiten du, desberdin ikusten dutenen barre eta komentarioei aurre eginez. Bere izateko modu bakarraren bidez, aniztasunaren eta sormenaren balioa erakusten du, askotan desberdina denaren beldur den mundu batean.