Gospel doinuekin barrenak berotzeko aukera izango da beste behin ere Zumaian. Datorren larunbatean, urtarrilaren 11n, Ispirit taldea izango da herrian, Aretha Gospel izeneko kontzertuarekin. 19:00etan hasiko da kontzertua, Aita Mari aretoan, eta emanaldirako sarrerak dagoeneko salgai daude, Internet bidez, hemen.
Lidia Insausti, Noa Egiguren eta Lide Hernando dira gospel/soul talde honetako buruak. Indarrez eta erritmoz beteriko Ispirit taldearen emanaldiak gospeleko emakumeen ahotsak errepasatzen ditu, baita soul generoaren abesti espiritual batzuk ere.