Udako azoka ekologikoa egingo dute bihar goizez Eusebio Gurrutxaga plazan. Goizeko 10:00etan zabalduko dute azoka, eta lau ordez izango da martxan, 14:00ak arte.
Gipuzkoan Biolurrek antolatzen duen azoka, aurretik Zarautzen izan da eta irailean Azpeitian ere izango da, hilaren 21ean, hain zuzen. Azoken helburua elikagai ekologikoak ikusaraztea eta dagoen aniztasun eta kalitatea plazaratzea da. Produktu ekologikoak erosi eta, kasu batzuetan, dastatzeko parada ere izango dute bertaratuko direnek.