Olagarroaren eskasia dela eta herritarren artean zalantza bat edo beste piztu bada ere, azkenean egingo dute aurten ere Olagarro eguna. Irailaren 20an egingo dute, larunbatez, eta egun hartarako egitaraua prestatzen dabil egunotan Zumaiako Udala. Herri bazkaria izango da, baita olagarro brotxetak salduko dituzten txosnak ere.
Olagarro eguneko egitarauaren barruan bere tartea izango du aurten ere goiz partean egingo duten azokak. Bertan, itsasoarekin lotura duten gaiak salduko dituzte. Azoka horretan parte hartu nahiko dutenek izena eman beharko dute astelehenetik aurrera, Zumaiako Udalaren webgunearen bitartez: www.zumaia.eus.