Guztia prest da bihar, ostirala, Euskal Jai eguna ospatzeko. Zumaiako Udalak haurrei, gazteei nahiz helduei zuzenduriko egitarau zabala prestatu du beste urte batez, eta goizetik iluntzera arte izango dute herritarrek eta bisitariek festa giroaz gozatzeko aukera.
Goizean zehar, ohi bezala, artisauen azoka izango da Alde Zaharreko kaleetan. Eguerdi partean, Sebastian Lizasok eta Anjel Mari Peñagarikanok bertso saioa eskainiko dute balkoitik balkoira, eta gero, kantujira izango da lehenbizikoz, Larraina euskara taldeak eta Korokoiak taldeak antolatuta. Eusebio Gurrutxaga plazan jarraituko du festak, herri bazkariarekin.
Bazkalostean izango du jarraipena festa egunak, Joxe Mendizabalen dantzaldiarekin, Olgeta taldearen erromeriarekin eta sagardo dastaketarekin, besteak beste.
10:00-14:00. Alde Zaharrean azoka.
Goizean zehar, musika kaleetan.
12:00. Udaletxean, balkoitik balkoirako bertso saioa: Sebastian Lizaso eta Anjel Mari Peñagarikano
13:00. Udaletxe aurretik abiatuta, kantujira Larraina Euskara Elkarteak eta Korokoiak taldeak antolatuta Zutrik taldearekin kalejira.
15:00. Eusebio Gurrutxaga plazan, bazkaria.
18:00. Amaia plazan, Joxe Mendizabalekin haurrentzat dantzaldia.
18:00. Odietan, Erkibe kultur elkartearen eskutik taloak.
18:30. Eusebio Gurrutxaga plazan, Olgetan erromeria eta Incansables txarangaren kalejira.
19:00. Sagardo dastatzea.
22:30. Amaia plazan, Joselu Anaiak taldearekin dantzaldia.