Atzo, astelehena, abiatu zituzten Dinastia Etxabe txapelketako final laurdenak. Finalaurrekoetara sailkatutako lehen bikotea da Amiano-Landa, Igoa-Sotil (22-11) mendean hartu ondoren. Jubeniletan, berriz, Egurrola-Moto bikoteak irabazi du, Aldaz-Okiñena (22-9) nagusitasunez gaindituta. Egurrola-Moto ostegunean jokatuko den Salaberria anaiak/Nazabal-Figueroa irabazlearen zain dira. Amiano-Landa, berriz, Rekalde-Apeztegia/Cestau-Lazkoz taldeen garaileen aurka ariko dira.
Amiano eta Landa faboritoak izan ziren, eta horren adibide da Igoa-Sotilen aurkako garaipen sendoa. Unai Amiano bikain ibili da errematean, eta Landa laguntzak ezin hobea eman dio. Partida azkar hautsi da 11-5eko emaitzarekin. Igoa-Sotil, bikoteak, berriz, akats ugari egin ditu, eta ez dute inolako aukerarik izan aurkarien aurrean.
Okiñenaren eskuinaren lesioak eragotzi dio lehiakortasuna Aldatz-Okiñena bikoteari, eta Egurrola-Moto bikoteak markagailuan nagusitu dira. Egurrola izan da partidaren protagonista, jokoa nahastuz eta erremate sendoekin. Haren joko eraginkorra izan da garaipenaren gakoa.
Final laurdenetako gainerako partidak ostegunean, hilaren 11n eta 17an jokatuko dituzte, eta 18tik aurrera jokatuko dira finalaurrekoak.