Olarrusub elkarteak antolatuta, urpekaritza bataioak egingo dituzte larunbat arratsaldean Arranplan. Neoprenoko jantziak soinean dituztela, aire botilak bizkarrean jarrita, urpekaritza munduan lehen pausoak emateko aukera izango dute ekintzan parte hartuko dutenek. Material guztia klubak jarriko du.
Jarduera doan izango da, eta parte hartzeko baldintza bakarra 12 urtetik gora edukitzea da. Zapatu arratsaldeko jarduera horretan parte hartzeko, izen-abizenak bidali beharko dituzte olarrusub@gmail.com helbidera.