Lehen setean, bi bikoteek oso maila altua erakutsi zuten. Tanto ikusgarriak izan ziren, eta 14-14ko berdinketaren ostean, Goitiak errebote ikusgarri batekin erabaki zuen partida. Bigarren jokoan ere pareko aritu ziren: 2-2, 7-7, eta 14-14ko markagailuarekin iritsi ziren amaierara. Azken tantoan, Imanol Lopezek pilota atzeko zuloan sartu zuen, garaipena bermatuz.
Karmengo egunean, etzi, errebantxa jokatuko dute Markina Xemeinen bertan. Izan ere, Jai Alai Leaguetik kanpoko txapelketa antolatu dute egun horretarako, eta hiru partida jokatuko dituzte. Lehenbizi, emakumeen finala: Helena-Arai vs Erika-Oaia. Ondoren, gizonezkoen errebantxa: Goitia-Lopez vs Urreisti-Basque. Eta azkenik, Markina-Mutriku desafioa: Arbe-Zabala vs Goixerri-Manci.