Pasa den urtarrilean iragarri zuen Zumaiena ikastetxeak ikastola bihurtzeko asmoa. Helburua betetzeko, baina, Ikastolen Elkarteko kideen oniritzia behar zuten. Pasa den ostegunean egin zuen elkarteak osoko bilkura, eta elkarteko kide diren 114 ikastoletako kideek ahobatez onartu zuten Zumaiena Ikastolen Elkarteko bazkide bihurtzea.
"Apirilean aurkeztu genituen hurrengo urteetako ezarrita ditugun helburu estrategikoak zein zutabetan oinarritzen diren eta Ikastolen Elkartearen babesean bideratuko ditugun proiektu berriak oso harrera ona izan zuen", gogoratu du ikastetxeko kide Isaak Aranberrik.
Aranberri eta Edurne Aizpurua izan ziren Zumaienako ordezkari gisa Ikastolen Elkarteko batzarrean. "Euskal Herriko lurralde guztietako 114 ikastoletako ordezkariak bildu ziren, eta aho batez onartu zuten Zumaiena Hezkuntza Elkartea bertako kide izatea", gogoratu dute. "Beraz, modu ofizialean, gaurtik aurrea Zumaiena Ikastolaren aro berria hasten da".