Euskal pilotaren karta sorta ondu du Daniel Carballok

Juan Luis Romatet 2025ko api. 1a, 18:00

Itziar Lete Andonegi GEPFko presidentea, Daniel Carballorekin, karten aurkezpenean. (GEPF)

Gipuzkoako Euskal Pilota Federazioaren (GEPF) mendeurrenaren harira sortu ditu zumaiarrak karta horiek. "Euskal piotaren modalitate guztien ondarea ezagutaraztea eta zabaltzea" izan du helburu Carballok. 

Lehen mendeurrena beteko du aurten GEPFk eta horren bueltan zenbait ekintza eta ekitaldi ari da antolatzen. Pasa den asteburuan Emakume Pilotarien jardunaldiak ospatu zituzten Azpeitian eta Zestoan, eta egun gutxi geroago, ia atsedenik hartu gabe, Daniel Carballo Ostolaza arkitektu, sortzaile eta pilotazale zumaiarrak sortutako karta sorta aurkezru du Federazioak Donostian duen egoitzan. 

Euskal pilotaren modalitate desberdinetan oinarritutako karta jokoa ondu du Carballok. Bere esanetan, "euskal piotaren modalitate guztien ondarea ezagutaraztea eta zabaltzea" izan du helburu. 

Musean, eskoban edo bestelako jokoetan erabiltzen den karta sortako irudiak aldatu ditu Carballok, eta haien ordez euskal pilotarekin lotura dutenak erabili ditu. Hala, urreen ordez, pilotak erabili ditu; kopen ordez, txapelketak eta sariak; ezpaten ordez, xisterak, guanteak, zesta, erremontea; eta, azkenik, bastoien ordez, palak, erraketak eta xareak.

Karta sorta salgai dago, 5 euroan, Federazioko egoitzan (Anoeta pasealekua, Kirol Etxea. Donostia).

 

Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide