Asteburuan haizeteak eragin duen arrisku egoera zehatza atzeman izanak itxiarazi ditu herriko futbol zelaia, padel eta tenis pistak. Zumaiako Udalak herritarren segurtasuna bermatzeko hartu du erabakia.
Aitor Manterola Kirol zinegotziak adierazi duenez, itxieraren erabakia "printzipioz egun osorako" luzatuko da: "Bihartik aurrera egoera aztertu eta horren arabera adostuko da berriro ireki ala ez". Bitartean, segurtasun gomendioak jarraitzea eskatu dute, abisu laranja bukatu arte.