Larraina euskara elkarteak ostegun honetarako deitu duen elkarretaratzean parte hartzera gonbidatu ditu zumaiarrak. Izan ere, Espainiako Auzitegi Konstituzionalak udalek agiriak eta dokumentuak euskaraz bakarrik egiteko irizpideen aurka egin du berriki, Euskadiko Toki Erakundeen Legearen 6.2 artikulua bertan behera utziz.
Espainiako Auztegi Konstituzionalak hartutako erabaki horren aurrean desadostasuna adierazteko elkarretaratzea egin zuten hilaren hasieran Uemako udaletako 125 alkatek eta hautetsik. Bilkura hartan, besteak beste, udalek euskaraz jarduteko duten eskumena defendatu zuten.
Horrenbestez, ostegun honetan, "erasoak salatzeko eta euskaraz bizitzeko nahia aldarrikatzeko" Zumaiako udaletxearen aurrean elkartuko dira, 19:00etan.
Zarautzen ere orain egun batzuk egin zuten elkarretaratzea, hango euskara elkarte sortu berriak antolatuta.