Asteazkenean hasi zen XXI. Klarinete Maratoiak aurrera dirau. Atzo iluntzean Agora kontzertua egin zen Oxford aretoan, eta Euskal Herriko kontserbatorio eta musika eskoletako ikasleek parte hartu zuten.
Aurtengo Klarinete Maratoiko kontzertu erakargarrienetakoa entzuteko aukera izango da gaur, 20:00etatik aurrera, Alondegia kultur etxeko Oxford aretoan. Hungarian fire! izeneko emanaldia eskainiko dute Sapere Aude Sinfonietta orkestrako kideek.
Hungariako konpositoreak izango dira gaurko saioko protagonistak. Hala, ganbera musikako emanaldi honetan Ernö Dohnány, Béla Bartok eta György Ligeti konpositoreen obrek osatuko dute gaurko kontzertuko errepertorioa.