Imanol Lopez Iñaki Osa Goikoetxeari gailendu zitzaion atzo Biarritzen (Lapurdi) bi zumaiar aurrez aurre izan dituen Munduko Pilota Txapelketako Zesta Puntako finalean. Atzelaria Ispasterreko Aritz Erkiagarekin aritu zen, eta nahiz eta lehen seta galdu (15-10), hurrengo bietan nagusi izan ziren (15-9 eta 10-2). Goikoetxeak Unai Lekerika gernikarra izan zuen bikote.
Iaz Mexikon jokatutako Munduko Kopan bikote berberak izan ziren aurrez aurre, orduan, ordea, Goikoetxea eta Lekerika gailendu ziren. Lopezek eta Erkiagak errebantxa hartu dute, beraz.