Samielak ospatuko dituzte bihartik igandera Aizarnazabalen, eta urriaren 1erako gaueko autobus zerbitzu bereziak jarri ditu Lurraldebusek. Hain zuzen ere, larunbat gauetik igande goizaldera Aizarnazabalera festaz gozatzera joan nahi dutenek joan-etorria autobusez egiteko aukera izango dute Zumaiatik eta Zestoatik.
Zumaian tren geltokiko geralekutik irtengo da autobusa 22:00etan, eta Patxita Etxezarreta kalean ere geldituko da; Aizarnazabaldik Zumaiara itzultzeko garraioa, berriz, 04:30ean irtengo da. Zestoatik Aizarnazabalera joateko gaueko autobusa, berriz, 22:30ean irtengo da, eta Aizarnazabal-Zestoa ibilbidea egingo duena, 04:00etan.
Aizarnazabalen, Arantzazu Etxetaldearen eta Aizarnazabal Hirialdea gunearen arteko bidegurutzean egongo da autobusen geralekua.