Traineru denboraldiaren ekuatorera iritsi gara eta ligak pil-pilean dira. Hala, datorren asteburua ere traineru estropadaz beterik iritsiko da, arraunzaleen gozamenerako. Alde batetik, Orio-Orialki gizonen eta emakumeen talde nagusiek eta Getariak Hondarribiko Bandera izango dute jokoan larunbatean, 17:40ean hasita; igandean, berriz, eskualdean izango dute hitzordua, Getariako Ikurriña- 500 urteurren Saria estropada jokatuko baitute, 11:40etik aurrera. Getariarrek Eusko Label Ligan etxean jokatzen duten lehen aldia izango da, eta herritarrak arraunlariak animatzera deitu dituzte arraun elkarteak eta Getariako Udalak.
Bestetik, KAE 1 Ligan aritzen diren Zararautz Gesalaga Okelan, Delteco Zumaia eta Orio Orialki B taldeek igandean izango dute arraun hitzordua. Hala, 11:30etik aurrera Hondarribiko Arrantzaleen Kofradia Bandera jokatuko dute.
ETE Ligako Delteco Zumaia eta Zarautz Gesalaga Okelanek, berriz, bi estropada izango dituzte asteburuan. Larunbatean, Ondarroako Bandera izango dute jokoan, 12:00etan hasita. Eta igandean, Txingudiko Bandera estropada abiatuko dute, 10:00etan.