Azken asteotan COVID-19a izugarrizko eragina izaten ari da eskualdean, eta eragin eremuei dagokienez, ez da salbuespenik. Urola Kostako hainbat herritako egoitzetan atzeman dituzte positiboak azken egunotan, Gipuzkoako Foru Aldundiak eguneratutako datuen arabera.
Zehazki, Gipuzkoako adinekoen egoitzetan 80 lagun daude kutsatuta gaur-gaurkoz, eta horietako 27 eskualdekoak dira. Zumaian, esaterako hamasei lagun daude gaitzak jota; San Juanen hamabost eta Otezurin bat. Gainera, pandemia hasi zenetik aurreneko aldiz atzeman dituzte kasuak Azpeitian eta Zestoan: zortzi eta hiru kasu zenbatu dituzte egoitza horietan egindako probetan, hurrenez hurren.