Gizon bat atxilotu dute joan den igandean Zarautzen emakume bat erasotzea egotzita. Hala adierazi dio Ertzaintzak Urola Kostako Hitzari, eta gaineratu dute, Azpeitiko Epaitegiaren esku utzi dutela kasua dagoeneko.
Gertatutakoa salatzeko, gaitzespen adierazpenak plazaratu dituzte Zumaiako eta Zarauzko Udalek nahiz Gipuzkoako Foru Aldundiak. Gainera, elkarretaratzeak ere izango dira bihar. Zumaiako Mugimendu Feministak, Zumaiako Udalarekin batera, elkarretaratzea deitu du bihar 19:00etan, Beheko Plazatik hasita. Zarauzko Udalak, berriz, 12:00etan deitu du mobilizazioa, Lege Zaharren Enparantzatik hasita.