Urola Kostako Gazte Koordinadora Sozialistak (GKS) rap kontzertua antolatu du Zumaian datorren ostiralerako, uztailaren 2rako. Herri Eskolako frontoian egingo dituzte emanaldiak, 19:30etik aurrera. S.N.E zumaiarrak, Northcousin astigarragarrak eta La Bahia iruindarrek abestuko dute zuzenean.
Asteazkenean eta ostegunean jarriko dituzte salgai kontzerturako sarrerak, Torreberri gaztetxean. Asteazkenean 10:30etik 12:00etara izango da txartelen salmenta, eta ostegunean, aldiz, 17:30etik 19:00etara. 3 euroan erosi ahal izango da tiket bakoitza, eta pertsona bakoitzak, gehienez, bi sarrera eskuratu ahal izango ditu.