Zumaiako mugarrien inguruko liburuan buru-belarri lanean aritu da azken hilabeteetan Imanol Azkue, eta datorren asteazkenean, maiatzak 26, aurkeztuko du herrian Baleike Kultur Elkartearen eskutik egindako lana. San Telmo ermitan izango da Zumaia mugarriz mugarri liburuaren aurkezpena, 18:30ean.
Edukiera mugatua izango denez, aurrez eman beharko da izena baleike@baleike.eus helbidean. Bestalde, jakinarazi dute liburua erosteko aukera izango dela aurkezpenean 12 euroan (bazkideek doan hartu ahalko dute, txartela erakutsita).