Eusko Jaurlaritzako Segurtasun Sailak iragarri bezala, olatu oso handiak izan dira gaur kostaldean, eta herritar ugari gerturatu da olatuak ikustera. Lehen bi milietan itsasaldeko arriskuagatik, alarma gorria izan da gaur, zortzi metrorainoko olatuak espero baitziren.
Agintariek Zarauzko malekoia eta N-634 errepidea ixtea erabaki dute Zarautz eta Getaria artean (Getariako noranzkoan), baita Zumaia eta Getaria arteko errepide bera ere, bi noranzkoetan, arriskuagatik.
Irudi ikusgarriak uzteaz gain, ezbeharrik ere egon da. Izan ere, goizean Orioko kanpoko barran korrika saioa egiten ari ziren sei arranlari zarauztarretako bat bota du barra gainetik pasa duen olatu batek, eta erietxera eraman behar izan dute gaztea, larri.
ORIO. Ikusi goizeko bideoa.
ZARAUTZ. Arratsaldeko bideoa.
ZUMAIA. Arratsaldeko irudiak.