EH Bilduk irabazi ditu Espainiako Kongresurako hauteskundeak Zumaian, 1.916 botorekin. Boto emaileen %35,73k eman dio botoa koalizioari. Aurreko hauteskundeekin alderatuta, 90 boto gehiago lortu ditu EH Bilduk. Bigarren alderdi bozkatuena EAJ izan da, 1.754 botorekin (%32,71); apirilean baino 104 boto gutxiago jaso dituzte jeltzaleek. Hirugarren indarra PSE-EE izan da, 772 botorekin; laugarrena, Elkarrekin Podemos, 654 botorekin; eta bosgarrena, PP, 114 botorekin. Voxek 56 boto lortu ditu Zumaian.
Parte hartzea 3,5 puntu jaitsi da apirileko hauteskundeekin alderatuta. Apirileko hauteskundeetan %73,53ko parte hartzea izan zen Zumaian, eta gaur %69,99koa.