Gipuzkoako Bertsolari Txapelketako final laurdenean izan ziren atzo Jon Maia eta Jokin Uranga. Eibarko Coliseo antzokian aritu ziren, Unai Muñoa, Gorka Maiz, Mikel Tapia eta Felix Zubia bertsolariekin batera. Zumaiarrak 475 puntu eskuratuta irabazi zuen saioa, eta zuzenean sailkatu da finalerdietarako. Tolosan izango da, abenduaren 1ean. Haren atzetik sailkatu zen Uranga, 467,5 punturekin, eta matematikoki lortu du finalerdietarako txartela. Azpeitiarrak final laurdenak amaitu arte itxaron beharko du hurrengo saioa non eta noiz izango duen jakiteko.
Hona hemen atzoko sailkapena:
1. Jon Maia Soria.........................475
2. Jokin Uranga Isuskiza.............467,5
3. Unai Muñoa Amundarain........451
4. Gorka Maiz Alustiza.................441
5. Mikel Tapia Aierbe...................424,5
6. Felix Zubia Olaskoaga............423,5