Espainiako Auzitegi Gorenak bederatzi eta hamahiru urte arteko espetxe zigorrak ezarri dizkie Kataluniako 2017ko urriaren 1eko erreferendumagatik epaitu dituen bederatzi buruzagi independentistari, sedizioa leporatuta. Behin-behinean espetxean zeudenak dira kartzelara zigortu dituenak: Oriol Junqueras, Raul Romeva, Joaquin Forn, Jordi Turull, Jordi Rull, Dolors Bassa, Carme Forcadell, Jordi Sanchez eta Jordi Cuixart. Beste hiru –Santi Vila, Carles Mundo eta Meritxell Borras– berriz, desobedientziagatik zigortu dituzte, eta beraz ez dira espetxera joango. Preso katalanen aurkako epaia salatzeko, protestara deitu du Gure Eskuk eskualdean.
Azpeitian, elkarretaratzea egingo dute gaur, 19:00etan, plazan.
Azkoitian, elkarretaratzea egingo dute gaur, 19:00etan, plazan.
Getarian, elkarretaratze zaratatsua, 19:00etan, udaletxeko plazan.
Orion, elkarretaratzea egingo dute gaur, Zakilaneko aldapan (plaza obrengatik itxita dago), 19:30ean.
Zarautzen, elkarretaratze zaratatsua egingo dute gaur, 19:00etan, udaletxeko plazan.
Zumaian, elkarretaratze zaratatsua egingo dute gaur, 20:00etan, Magnolioan.