Dotore dabil Zarautz Arraun Elkarteko lehen taldea. Ligako hiru jardunaldiak irabazi ditu Enbatak, azkena atzo, Donibane Lohizunen. 21:03:23 denbora egin zuten Gari Urangaren mutilek, eta lau segundoko tartearekin irabazi zuten estropada.
Deusto-Bilbo izan zen bigarren sailkatua, eta Donostiarra, hirugarrena. Eskualdeko beste taldeei dagokienez, zazpigarren eta zortzigarren sailkatu ziren, hurrenez hurren, Getaria eta Zumaia. 21:34,87 denbora egin zuten getariarrek, eta 21:41,80, zumairrek. Hemen ikus daitezke emaitza guztiak.
Sailkapen nagusian ere aurrena
Hiru estropadak irabazita, sailkapen nagusian 36 puntu ditu jada Zarautzek, eta lider da, bigarrenak baino bost puntu gehiagorekin. Duesto-Bilbao dago, hain zuzen, bigarren toki horretan.
Getaria zortzigarren postuan dago, 17 punturekin, eta Zumaia bederatzigarren da, 12 punturekin. Sailkapenaren behealdean dauden Hibaika eta Lapurdirengandik hurrun daude momentuz puntuaziori dagokionez, 4 eta 5 baitituzte horiek.
KAE1 ligako hurrengo hitzordua hilaren 29an izango dute, Baionan.