Adegi bandera irabazi dute gaurkoan Zarauzko arraunlariek. Indarrez hasi zuten KAE 1 ligako denboraldia atzo lehen estropada irabazita, eta gaur, maila berari eustea lortu dute. 20:55'70eko denbora egin dute, eta San Juango ontzia izan da bigarrena helmugaratzen, hiru segundo beranduago.
Getariako ontzia zazpigarrena izan da helmuga zeharkatzen, 21:21'84ko denborarekin. Zumaia, berriz, hamargarren iritsi da 21:40,45ean.
ETE ligan hirugarren postuan geratu dira zumaiarrak gaurkoan; Hibaika txapelduna baino sei segundo beranduago gurutzatu dute helmuga. Hibaikak, Zarautzek bezala, bitik bi bandera eskuratu ditu.