Gipuzkoako Pilota Egokituko Txapelketaren finalak jokatu zituzten hainbat lagunek joan zen zapatuan, Andoainen (Gipuzkoa). Adimen urritasuna duten lagunek jokatu zuten Liga Gorriko finala; hain zuzen ere, Xabier Olaziregi zumaiarrak eta Iñaki Divassonek Lorea Iribar zarauztarraren eta Xabier Villarren kontra jokatu zuten partida, eta Olaziregi eta Divasson nagusitu ziren, 18 eta 15.
Bigarren finala, Liga Urdinekoa, berriz, Jurdan Arakistain zestoarrak eta Joseba Altuna oriotarrak jokatu zuten Haritz Lertxundi zarauztarraren eta Iraitz Huegunen kontra. 18 eta 9 nagusitu ziren Arakistain eta Altuna.
Horrenbestez, Olaziregik, Arakistainek eta Altunak txapelketa irabazi dute, eta txapel nahiz oroigarri bana eskuratu zuten horiek. Pala Egokituko Gipuzkoako Txapelketan guztira adimen urritasuna duten hamabi pilotari aritu dira lehian.