Maiatzaren 1ean, Langileen Nazioarteko Egunean, manifestazioak egingo ditu LAB sindikatuak Baionan eta Iruñean, eta Nafarroako hiriburura joateko autobusak antolatu ditu egun horretarako. Azkoititik, Azpeititik, Zestoatik, Zumaiatik, Zarauztik, Oriotik eta Getaritik abiatuko dira autobusak, eta hara joateko herritarrek dagoeneko eman dezakete izena, honako taberna hauetan: Zakela (Azkoitia), Orkatz (Azpeitia), Portale (Zestoa), Inpernupe (Zumaia), Arrano (Zarautz), Kolon Txiki (Orio) eta Harritarte (Getaria).
Urola Erditik eta kostatik autobus banak irtengo du Iruñera, eta handi 18:00etan hartuko dute etxerako bidea.
Honako ordutegi honetan aterako dira autobusak eskualdetik:
Azkoitia: 09:00etan, Liburutegiko autobus geltokian.
Azpeitia: 09:15ean, anbulatorioko autobus geltokian.
Getaria: 09:15ean, autobus geltokian.
Orio: 09:40ean, autobus geltokian.
Zarautz: 09:25ean, Eguzki tabernaren aurrean.
Zestoa: 09:30ean, hilerriaren ondoko autobu geltokian.
Zumaia: 09:00etan, Kabi aurreko autobus geltokian.