Aurrera doa Euskal Herriko Mus Federazioak antolatzen duen Euskal Herriko Mus Txapelketa, eta herriz herriko kanporaketa guztiak igaro ondoren, zazpi herrialdeetako finalak jokatuko dituzte larunbatean, otsailaren 23an. Zaldibiako Herri Antzokian izango da Gipuzkoako finala, eta Urola Kostako hainbat jokalari lehiatuko dira final horretan. Hain zuzen ere, eskualdeko bost bikote hauek sailkatu dira Gipuzkoako finalera: Dabid eta Gorka Etxabe (Aizarnazabal), Bittor Andres eta Jokin Salsamendi (Orio), Pepe Valor eta Iñaki Alberdi (Zestoa), Andoni Iturbe eta Iñaki Iraola (Zestoa) eta Ion Agirre eta Borja Yeregi (Zumaia).
Guztira, 117 bikote lehiatuko dira Gipuzkoako finalean, eta irabazten dutenak Euskal Herriko finalera sailkatuko dira. Martxoaren 16an jokatuko dute final nagusia, Lizarran (Nafarroa).