Polizia operazio bat abiatu du Ertzaintzak gaur, asteazkena, goizean, Zumaiako Oikia auzoan. Operazioak zabalik jarraitzen du, eta haren gaineko xehetasun handirik ez dute eman oraingoz, baina Ertzaintzak Baleike.eus-i azaldu dionez, zazpi lagun atxilotu dituzte.
Oikiako Larra fabrika zaharrean hasi du operazioa Ertzaintzak, eta kalamua ekoizteko negutegi bat aurkitu du bertan. Hain zuzen ere, Ertzaintzak azaldu du mila kalamu landare atzeman dituztela. Ertzaintzaren arabera, hainbat arma ere aurkitu dituzte pabilioian. Duela bost bat hilabete hasi zen Ertzaintza kasua ikertzen.
Hona hemen, Esan Ertzaintzaren sindikatuak lantegiko kalamu berotegiaren irudiekin osatu duen bideoa:
https://www.youtube.com/watch?v=KaV68y7sv7c