Urola Kostako Udal Elkarteak aldi baterako hamar lan eskaintza ditu, haietako zortzi mantenu lanak egiteko, eta bi, teknikari moduan aritzeko. Deialdiaren xedea "laneratzeko zailtasn bereziak dituzten pertsonen enplegagarritasuna handitzea" dela azaldu du Udal Elkarteak, lan esperientzia honen bidez, pertsona horien "kualifikazioa eta/edo gaitasun pertsonalak eta motibazioa handitzeko".
Lanbide-Euskal Enplegu Zerbitzuak 2018ko ekainean argitaratutako deialdiaren baldintzak beteko dituzte kontratatutako pertsonek. Alegia, kontratatutako hamar lagunetik lau emakumeak izango dira, hiru diru-sarrerak bermatzeko errentaren titularrak edo onuradunak eta bi 55 urtetik gorakoak. Pertsona batek baldintza bat baino gehiago bete ditzake.
Kontratuak sei hilabetekoak eta lanaldi osokoak izango dira (luzapenik gabe) eta abenduan hasiko dira. Teknikari bat kontratatuko dute, lanpostu berrien perfilak lantzeko eta beste bat, eskualdeko kultura eta sormen industrien mapeoa egiteko. Mantentze lanetako langileak, berriz, lorezaintzan, margoketa lanetan eta igeltsaritzan ariko dira.
Mantentze lanak egiteko zortzi langile eta bi teknikari kontratatuko dituzte. Eskabideak aurkezteko epemuga urriaren 22a izango da.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide