Telmo Lisbona, Julian Berasategi, Jose Antonio Aizpurua, Angel Goikoetxea, Andres Hernandez eta Jose Mari Azkue pilotari ohiak omendu zituzten atzo Zumaian jokatutako finaletan.
XLVII. Dinastia Etxabe txapelketaren protagonistak eta omenduak, amaierako familia argazkian. (Daniel Carballo)
Salaberria-Otaduik 23 urtez azpikoetan eta Julen Alberdi-Gartziak jubeniletan irabazi dituzte Zumaiako XLVII. Dinastia Etxabe esku pilota txapelketaren finalak. Atzo jokatu zituzten finalak, Aitzuri pilotalekuan.
Gazteen finala izan zen jaialdiko lehen neurketa eta alde nabarmenarekin (22-9) nagusitu ziren Julen Alberdi eta Markel Gartzia, Unai Alberdi azpeitiarraren eta Aimar Ibarlozaren aurrean. Final nagusian, 23 urtez azpikoenean, Iker Salaberriak eta Gorka Otaduik 22-14 gainditu zituzten Oscar Lerena eta Iñigo Bikuña, norgehiagoka ona jokatuta.
Sari banaketaren tartean, herriko sei pilotari ohi omendu zituzten Zumaiako Aitzurin: Telmo Lisbona, Julian Berasategi, Jose Antonio Aizpurua, Angel Goikoetxea, Andres Hernandez eta Jose Mari Azkue.
Ikusi atzoko argazki gehiago eta kronika zabala Baleike.eusen.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide