Lehen setean Egiguren eta Irastorza joan ziren aurretik, bereziki Irastorzak lehen zatian erakutsitako jokoari esker (1-3, 4-7, 7-9, 8-10 eta 9-13). Larunbatean urdinez jokatu zutenek, baina, ezin izan zuten partida errematatu, eta Goikoetxea eta Unai Lekerikabeaskoa gernikar gaztea partidan sartzen hasi ziren. Eta baita 14na berdindu ere. Azken tantuan pilota zail bat hartzeko eta ondoren tantua egiteko gai izan zen zumaiarra. Hala, 15-14 emaitzarekin irabazi zuten lehen seta gorriek.
Partida erabaki zuen tantua izan zen hura. Bigarren setean agintzen jarri ziren Goikoetxea eta Lekerika. Egigurenek eta Irastorzak 5-4ra arte eutsi zioten, baina gorriek lauzpabost tantuko aldea zabaldu zuten eta hor amaitu zen partida (15-6).
Lehen partidan Olharan eta Hernandez izan ziren irabazleak Barandika eta Lopezen aurrean: 15-10, 12-15 eta 3-5.
Gernikako Grand Slameko finala jokatu zen larunbatean eta herri horretako Katedrala bete egin zen lau pilotari handi hauek jokoan ikusteko: Iñaki Osa Goikoetxea zumaiarra eta Lekerika, Egiguren eta Irastorzaren aurka. Lehenak izan ziren irabazleak bi setetan partida galanta jokatu ondoren.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide