Lan baldintza duinak eskatuz, hiru greba egunen deialdiarekin bat egin dute Zumaiako sorosleek ere. Greban daudela eta gutxieneko zerbitzuak eskaintzen direla adieraziz bandera gorriak jarri dituzte Zumaiako Itzurun eta Santio hondartzetan. Eguerdian, berriz, Itzurun hondartzara joandako jendeak bat egin du sorosleen protestarekin eta elkartasun argazkia atera dute.
