Zarauzko sorosleak protestan (zarauzkohitza.eus)
Gaur, igandea, goizean hasi dute Zarauzko sorosleek hiru egunetako borrokaldia. Lan baldintza hobeak eskatzen dituzte hondartzetako langileek. Aldarrikapenez josita esnatu da Zarautz, eta 09:45ean egin dute lehenengo protesta zaratatsua malekoian. Iluntzerako beste deialdi bat egin dute, 20:30ean malekoiko Gurutze Gorriaren postuan. Bihar, uztailak 30, ordu eta leku berdinetan izango dira protestak.
Gipuzkoa osoko hondartzetako soroslek deitu dituzte mobilizazioak datozen hiru egunetarako: gaur, bihar eta etzi. Lan baldintzak hobeak eskatuz sorosleek abiatutako protestak eta borrokak indar handia hartu du azken asteotan, eta azpikontratatutako langileak izanik, Gurutze Gorria zein tokian tokiko udalak interpelatu dituzte.
- Zarauzko sorosleen protesten argazki bilduma hemen: zarauzkohitza.eus