HITZA eta Erlo Telebistako langile batzuk, Zarauzko bulego berrian
Erlo Telebistaren lokalera tokialdatu da UROLA KOSTAKO HITZAren Zarauzko bulegoa. Bi hedabideek hilabeteak daramatzate elkarlanean, eta duela egun batzuetatik, bulegoa ere partekatzen hasi dira.
Lokalean hainbat berrikuntza egin ondoren, zazpi kazetarirentzako tokia prestatu da, baita administraziorako eta diseinu lanak egiteko lekua ere. Goiko solairuan, berriz, telebistarako plato-a eta bilera gela jarri dira.
Herritarrek eta eragileek, beraz, bi hedabideak elkarrekin aurkituko dituzte Araba kaleko 27. zenbakian (tanatorioaren ondoan).
