Imanol Yeregi surflari zumaiarra Pro Zarautz txapelketako final laurdenetaraino heldu da, eta ezin izan du aurrera egin. Final laurden galanta egin du zumaiarrak eta 15,33 puntu lortu ditu, 8,43 eta 6,90 puntuko olatuei esker. Ez da izan nahikoa, ordea, finalerdietara heltzeko, txanda honetan aurkari izan duen Maxime Huscenot frantziarrak 18,44 puntu lortu dituelako.
Jokatu diren lau final laurdenetatik onena izan da Imanolena. Surflariek lortutako puntuek hala utzi dute agerian. Bikain aritu da zumaiarra, baina ez frantziarra bezain ondo. 9,77 puntuko olatu bat hartu du Huscenotek. Finalerdietatik kanpo geratu bada ere, pozik egoteko arrazoiak baditu Imanolek, maila honetako txapelketa batean bosgarren postuan amaituko duelako.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide