Ostegunean egindako abenduko ohiko batzarrak Zumaiako Udalaren 2018. urteko aurrekontuak onartu zituen, EAJ-PNV eta PSE-EEren aldeko botoekin. EH Bilduko zinegotziak abstenitu egin ziren.
Zumaiako aurrekontuak onartu zituzten (Baleike.eus).
13,6 milioi euro (1.634.820 euro) izango ditu Udalak datorren urterako, iaz baino 675.781 euro gehiago. Kopuru horri Kirol Patronatuaren 1.336.779 euroa gehituta, aurrekontu bateratua 14.385.599 eurokoa izango du Udalak.
Mari Cruz Alvarez ogasun zinegotziak aurrekontu hauen irakurketa egin zuen. Zumaiarrak ardatz hartuta, “herritarren bizi kalitatea hobetu eta bermatzea lehenetsi” dutela adierazi zuen. Zenbait programa “berritzaileren” berri ere eman zuen, hala nola, nagusien behatokia, Memoria tailerra, Gazte on programa, Atorgune, etab. Aurrekontu hauek arlo gehienak “ukitu eta indartzen” dituztela ere adierazi zuen: “gizarte zerbitzuak, hirigintza, gazteria, berdintasuna, kirola, mugikortasuna, irisgarritasuna, hezkuntza, euskara, turismoa, kultura, ingurumena, etab.”. “Aurreko urteetan izendaturiko helburuei ere jarraipena ematen die, tokiko ekonomia eta enplegua sustatzea, gizarte beharrei erantzuna ematea, herritarrei eskaintzen zaizkion zerbitzuak bermatzea, herritarron bizi kalitatea hobetzea, Zumaiako eraikin publikoak mantentzea eta berriztatzea, kaleen mantentzea eta garbiketa, parkeak, lorategiak, argiteria publikoa,… Hau da, zumaiarren beharretara egokitutako herria eraikitzea dira helburu nagusiak, beti ere, udal baliabideak eraginkortasunez eta zuhurtziaz kudeatuz”, adierazi zuen Alvarezek.
Albistea osorik irakurtzeko: Baleike.eus
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide