Hondakinak biltzeko sistema berriari buruzko UKUEren azken informazio saioak

Hondakin bilketa sistema berriari buruzko informazio bileera Zumaian (UKUE). Urola Kostako Udal Elkarteak sustatu duen hondakinak biltzeko sistema berria datorren otsailaren 1ean sartuko da indarrean. Horren harira, abendua hasieran etxeetara bidalitako informazioa osatu eta zalantzak zein kezkak argitzeko helburuarekin informazio saioak egiten ari gara Aian, Getarian, Orion, Zumaian eta Zarautzen. Ondorengo ordutegi eta lekuetan egingo dira azken informazio saioak, herriz herri: Aia Kultur Etxean, euskaraz, abenduaren 29an, 12:00etan. Getaria Ulpiano Gelan, euskaraz, abenduaren 28an, 11:00etan. Orio Kultur Etxean, euskaraz, abenduaren 29an, 10:00etan. Zarautz Abenduaren 29an, Etxezabalan, 11:00etan (gaztelaniaz), 12:30ean (euskaraz), 18:00etan (gaztelaniaz) eta 19:30ean (euskaraz). Zumaia Oxford-Alondegian, abenduaren 28an, 09:30ean (euskaraz), 11:00etan (gaztelaniaz) eta 12:30ean (euskaraz).