Helene Alberdi, eskuinean. (Argazkia: Asier Olasagasti)
Espainiako distantzia luzeko triatloi txapelketa jokatu zuten atzo –igandea– Ibizan, eta Helene Alberdi Zumaiako bizilaguna hirugarren postuan sailkatu zen, 07:08:24 denbora eginda.
Alberdi lehen postuan atera zen igeriketa probatik, baina bizikletako zatia laugarren postuan amaitu zuen. Lan bikaina egin zuen lasterka, eta postu bat aurreratzea lortu zuen; hala, hirugarren amaitu zuen. Lehen sailkatua Anna Noguera izan zen, 06:52:23ko denborarekin; eta, bigarrena, Maria Puyol (07:04:56).
Distantzia luzeko probetan, lau kilometro igerian, 120 kilometro bizikletan eta 30 kilometro korrika egin behar dituzte triatletek. Alberdik igeriketako proba 55 minutu eta 58 segundotan egin zuen; bizikletakoa hiru ordu, 51 minutu eta 45 segundotan; eta korrikakoa, bi ordu, 15 minutu eta 47 segundotan.
Euskadi Irratian elkarrizketa egin diote kirolariari, eta lotura honetan entzun daiteke.
Zumaiako bizilagunak 07:08:24 denbora egin du Espainiako distantzia luzeko txapelketan.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide